سبحان من صوًرك ياكامل الزين = أصل وجمال وزايده بالدلالي


مرباك بالطايف ملاذ الشياهين =  الِي غذاها كل يوم الحباري


من شفتكم شفت الوزا يدعج العين =  وحلفت لاصطادك ولا أنتَ لغيري


وسمي على خدك بحطه من يمين = يشوفه الي عنك ماهو بداري


افخر وشيل التاج تاج المتاعين = من جا على راسه عن الناس زاهي


حضك كبير ويحسدونك ملايين = من حسن حضك صرت صاحب معالي


ياوردة الطايف غمرتي البساتين = يفوح عطرك بين صم الجبالي


يالله انا طالبك عد المصلين  =  تحفظ لطيف الروح زين الثماني


من حاسدٍ ماسلم منه الموالين = شره يعم اللي بعيدٍ وداني


ياجوهره مخلوقةٍ للسلاطين =  فزتِي بحُراً ماكره بالعلالي


سِعد الرفيق ومزبنٍ للمساكين = عطاه  يشبه نهل عدٍ زلالي